mukunda-mAlA verses
From the Bhakti List Archives
For V. Sadagopan • Fri Oct 09 1998 - 18:19:49 PDT
taniyans to SrI kulaSEkarAzhvAr:
"ghushyate yasya nagare ranga-yAtrA dinE-dinE |
tamaham SirasA vandE rAjAnAm kulaSEkharam || "
"innamudamUTukEningE vA paingkiLiyE,
tenn-arangam pADa-valla sIrp-perumAL, ponnanj
cilai-sEr nudaliyarvEL cEralar-kOn, engaL
kulsEkara-nenRE kURu"
"Aram keDapparanbar koLLArenRu, avargaLukkE
vArankoDu kuDap-pAmbil kaiyiTTavan, maRRalarai
vIrankeDutta sengkOl kolli-kAvalan-villavarkOn
cEran kulasEkaran muDi-vEndar sikA-maNiyE"
--
SrI-vallbhEti varadEti dayAparEti
bhakta-priyEti bhava-luNThana-kOvidEti |
nAthEti nAga-SayanEti jagan-nivAsEty
AlApinam prati-dinam kuru mE mukunda || 1
jayatu jayatu dEvO dEvakI-nandanO'yam
jayatu jayatu kRshNO vRshNi-vamSa-pradIpa: |
jayatu jayatu mEgha-SyAmala: kOmalAngO
jayatu jayatu pRthvI-bhAra-nASO mukunda: || 2
mukunda! mUrdhnO praNipatya yAcE
bhavantam EkAntam iyantam artham |
avismRtis tvac-caraNAravindE
bhavE bhavE mE'stu bhavat-prasAdAt || 3
nAham vandE tava caraNayOr dvandvam advandva hEtO:
kumbhIpAkam gurumapi harE nArakam nApanEtum |
ramyA-rAmA-mRdu-tanu-latA nandanE nApi rantum
bhAvE bhAvE hRdaya-bhavEna bhAvayEyam bhavantam || 4
nAsthA dharmE na vasu-nicayE naiva kAmOpabhOhE
yadyadbhavyam bhavatu bhagavan pUrva-karmAnurUpam |
Etat prArthayam mama bahu matam janma-janmAntarE'pi
tvat-pAdAmbhOruha-yuga-gatA niScalA bhaktirastu || 5
divi vA bhuvi vA mamAstu vAsO
narakE vA narakAntaka! prakAmam |
avadhIrita-SAradAravindau caraNau
tE maraNE'pi cintayAmi || 6
kRshNa tvadIya pada-pankaja-panjarAntam
adyaiva mE viSatu mAnasa-rAja-hamsa: |
prANa-prayANa-samayE kapha-vAta-pittai:
kaNThAvarOdhana-vidhau smaraNam kutastE || 7
cintayAmi harim Eva santatam
mandamanda hasitAnAmbujam |
nanda-gOpa-tanayam parAt param
nAradAdi-muni-bRnda-vanditam || 8
kara-caraNa-sarOjE kAntiman-nEtra-mInE
Srama-mushi bhuja-vIci-vyAkulE'gAdha-mArgE |
hari-sarasi vigAhyApIya tEjO-jalaugham
bhava-maru-parikhinna: khEdamadya tyajAmi || 9
sarasija-nayanE sa-Sankha-cakrE
mura-bhidi mA viramasva citta rantum |
sukha-taram aparam na jAtu jAnE
hari-caraNa-smaraNAmRtEna tulyam || 10
mAbhIr manda-manO vicintya bahudhA yAmIS ciram yAtanA:
nAmI na: prabhavanti pApa-ripava: svAmI nanu SrI-dhara: |
Alasyam vyapanIya bhakti-sulabham dhyAyasva nArAyaNam
lOkasya vyasanApanOdana-karO dAsasya kim na kshama: || 11
bhava-jaladhi-gatAnAm dvandva-vAtAhatAnAm
suta-duhitR-kaLatra-trANa bhArArditAnAm |
vishama-vishaya-tOyE majjatAmaplavAnAm
bhavatu SaraNamEkO vishNu-pOtO narANAm || 12
bhava-jaladhimagAdham dustaram nistarEyam
kathamahamiti cEtO mA sma gA: kAtaratvam |
sarasija-dRSi dEvE tAvakI bhaktirEkA
naraka-bhidi nishaNNA tArayishyaty avaSyam || 13
tRshNA-tOyE madana-pavanOddhUta-mOhOrmi-mAlE
dArAvartE tanaya-sahaja-grAha-sanghAkulE ca |
samsArAkhyE mahati jaladhau majjatAm nas tri-dhAman !
pAdAmbhOjE varada bhavatO bhakti-nAvam prayaccha || 14
mA drAksham kshINa-puNyAn kshaNamapi bhavatO bhakti-hInAn padAbjE
mA Srausham SrAvya-bandham tava caritam-apAsyAnyad-AkhyAna-jAtam |
mA smArsham mAdhava tvAmapi bhuvana-patE cEtasApahnuvAnAn
mA bhUvam tvat-saparyA-vyatikara-rahitO janma-janmAntarE'pi || 15
jihvE kIrtaya kESavam mura-ripum cEtO bhaja SrI-dharam
pANi-dvandva samarcayAcyuta-kathA: SrOtra-dvaya tvam SRNu |
kRshNam lOkaya lOcana-dvaya harEr gacchAnghri-yugmAlayam
jighra ghrANa mukunda-pAda-tulasIm mUrdhan namAdhOkshajam || 16
hE lOkAS-SRNuta prasUti-maraNa-vyAdhES cikitsAm imAm
yOga-GYAs samudAharanti munayO yAm yAGYavalkyAdaya: |
antar-jyOtir amEyam Ekam amRtam kRshNAkhyam ApIyatAm
tat pItam paramaushadam vitanutE nirvANam Atyantikam || 17
hE martyA: paramam hitam SRNuta vO vakshyAmi sankshEpata:
samsArArNavam Apad-Urmi bahuLam samyak praviSya sthitA: |
nAnA-GYAnam apAsya cEtasi namO nArAyaNAyEty amum
mantram sa-praNavam praNAma-sahitam prAvartayadhvam muhu: || 18
pRthvI rENuraNu: payAmsi kaNikA: phalgusphulingOnalas
tEjO ni:Svasanam marut tanu-taram randhram su-sUkshmam nabha: |
kshudrA rudra-pitAmaha-prabhRtaya: kITAs samastAs surA:
dRshTE yatra sa tAvakO vijayatE bhUmAvadhUtAvadhi: || 19
baddhEnAnjalinA natEna SirasA gAtrais sa-rOmOdgamai:
kaNThEna svara-gadgadEna nayanEnOdgIrNa bAshpAmbunA |
nityam tvac-caraNAravindayugaLa dhyAnAmRtAsvAdinAm
asmAkam sarasIruhAksha satatam sampadyatAm jIvitam || 20
hE gOpAlaka ! hE kRpA-jala-nidhE ! hE sindhu-kanyA-patE !
hE kamsAntaka ! hE gajEndra-karuNA-pArINa ! hE mAdhava ! |
hE rAmAnuja ! hE jagad-traya-gurO ! hE puNDarIkAksha! mAm
hE gOpI-jana-nAtha ! pAlaya param jAnAmi na tvAm vinA || 21
bhaktApAya bhujanga-gAruDa-maNis trailOkya-rakshA-maNi:
gOpI-lOcana-cAtakAmbuda-maNis saundarya-mudrA-maNi: |
ya: kAntA-maNi rukmiNI-ghana-kuca-dvandvaika-bhUshA-maNi:
SrEyO dEva-SikhA-maNir diSatu nO gOpAla-cUDA-maNi: || 22
Satruc-chEdaika-mantram sakalam-upanishad-vAkhya-sampUjya-mantram
samsArOttAra-mantram samupacita-tamas-sangha-niryANa-mantram |
sarvaiSvaryaika-mantram vysana-bhujaga-sandashTa-santrANa-mantram
jihvE SrI-kRshNa-mantram japa japa satatam janma-sAphalya-mantram || 23
vyAmOha-praSamaushadham muni-manO-vRtti-pravRttyaushadham
daityEndrArti-karaushadham tri-jagatAm sanjIvanaikaushadham |
bhaktAtyanta-hitaushadham bhava-bhaya-pradhvamsanaikaushadham
SrEya: prApti-karaushadham piba manaS SrI-kRshNa-divyaushadham || 24
AmnAyAbhyasanAny araNya-ruditam vEda-vratAny anv-aham
mEdaS-chEda-phalAni pUrta-vidhaya: sarvE hutam bhasmani |
tIrthAnAm avagAhanAni ca gaja-snAnam vinA yat-pada-
dvandvAmbhOruha-samsmRtIr vijayatE dEvas sa nArAyaNa: || 25
SrIman-nAma prOcya nArAyaNAkhyam
kE na prApur vAnchitam pApinO'pi |
hA na: pUrvam vAk-pravRttA na tasmin
tEna prAptam garbha-vAsAdi-du:kham || 26
maj-janmana: phalamidam madhu-kaiTabhArE
mat-prArthanIya-mad-anugraha Esha Eva |
tvad-bhRtya-bhRtya-paricAraka-bhRtya-bhRtya
bhRtyasya bhRtya iti mAm smara lOka-nAtha || 27
nAthE na: purushOttamE tri-jagatAm EkAdhipE cEtasA
sEvyE svasya padasya dAtari surE nArAyaNE tishThati |
yam kancit purushAdhamam katipaya-grAmESam alpArtha-dam
sEvAyai mRghayAmahE naramahO mUkA varAkA vayam || 28
madana! parihara sthitim madIyE
manasi mukunda-padAravinda-dhAmni |
hara-nayana kRSAnunA kRSO'si
smarasi na cakra-parAkramam murArE: || 29
tattvam bruvANAni param parasmAt
madhu ksharantIva satAm phalAni |
prAvartaya prAnjalirasmi jihvE
nAmAni nArAyaNa-gOcarANi || 30
idam SarIram pariNAma-pESalam
patatyavaSyam Slatha-sandhi-jarjaram |
kim aushadhai: kliSyasi mUDha durmatE
nirAmayam kRshNa-rasAyanam piba || 31
dArA vAr-Akara-vara-sutA tE tanUjO virinci:
stOtA vEdas tava sura-gaNO bhRtya-varga: prasAda: |
muktir mAyA jagad avikalam tAvakI dEvakI tE
mAtA mitram vala-ripu-sutas tvayyatO'nyanna jAnE || 32
kRshNO rakshatu nO jagatraya-guru: kRshNam namasyAmyaham
kRshNEna amaraSatravO vinihitA: kRshNAya tubhyam nama: |
kRshNAd Eva samutthitam jagadidam kRshNasya dAsO'smyaham
kRshNE tishThati sarvamEtadakhilam hE kRshNa rakshasva mAm || 33
sa tvam prasIda bhagavan kuru mayyanAthE
vishNO kRpAm parama-kAruNika: kila tvam |
samsAra-sAgara-nimagnam ananta ! dInam
uddhartum arhasi harE ! purushOttamO'si || 34
namAmi nArAyaNa-pAda-pankajam
karOmi nArAyaNa-pUjanam sadA |
vadAmi nArAyaNa-nAma nirmalam
smarAmi nArAyaNa-tattvam avyayam || 35
SrI-nAtha nArAyaNa vAsudEva SrI-kRshNa
bhakta-priya cakra-pANE |
SrI-padmanAbhAcyuta kaiTabhArE
SrI-rAma padmAksha harE murArE || 36
ananta vaikuNTha mukunda kRshNa
gOvinda dAmOdara mAdhavEti |
vaktum samarthO'pi na vakti kaScit
ahO janAnAm vyasanAbhimukhyam || 37
dhyAyanti yE vishNum anantam avyayam
hRt-padma-madhyE satatam vyavasthitam |
samAhitAnAm satatAbhaya-pradam
tE yAnti siddhim paramAnca vaishNavIm || 38
kshIra-sAgara-taranga-SIkarA''sAra-tArakita cAru-mUrtayE |
bhOgi-bhOga-SayanIya-SAyinE mAdhavAya madhu-vidvishE nama: || 39
yasya-priyau Sruti-dharau kavi-lOka-vIrau
mitrE dvi-janma vara-padma-SarAvabhUtAm |
tEnAmbujAksha-caraNAmbuja-shaT-padEna
rAGYA kRtA kRtiriyam kulaSEkharENa || 40
--
* kulaSEkharAzhvAr tiruv-aDigaLE SaraNam *
- Next message: Mani Varadarajan: "Vibhishana Saranagati -- a query"
- Previous message: For V. Sadagopan: "mukunda-mAlA - Part 13, Conclusion"
- Messages sorted by: [ date ] [ thread ] [ subject ] [ author ] [ attachment ]